മുഖം
----------------------------
കുളിച്ചീറന് മാറി
തുളസിത്തറചാരി
ഇടതോട്ട് മെയ്ചെരിഞ്ഞ്
നറുവെണ്ണനിറംചേര്ന്ന
മുടിചിക്കിയുണക്കും നിന്നെ
മനച്ചുവരില് വര്ണ്ണപ്പെടുത്തിയത്
പ്രണയമായിരുന്നല്ലോ!
ഏകാന്തതകളില്
മറവിയുടെ നനുശീലനീക്കക്കുന്പോള്
രഹസ്യസാന്ത്വനമായി
മങ്ങലേതുമില്ലാതെ..
ഇന്നലെ
എങ്ങുനിന്നോ വന്ന്
ജരാനരകള് വരച്ചുചേര്ത്ത്
തിരിച്ചുപോയതെന്തിനുനീ?
മറക്കാനോര്ക്കുംതോറും
മരണത്തിന് മുഖം കണ്ടപോലെ
ഇന്നുഞാന്
ഞെട്ടിവിറയ്ക്കുന്നു.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ